Roz jeszcze Bónd - tym razym jednak zawarto w filmie krytyka wielkich kóncernów medialnych wcale niy jes tako gupio, jakby to sie mógło wydować. Jak sie popaczy na to, co robióm media na poczóntku XXI wieku (fałszowanie zdjyńć z Iraku, kaj złowieszczego Amerykóna z karabinym sie usuwo z fotki i robi go przijaznym opiekunym, pokozywanie wybuchu radości Arabów po zamachu na WTC, chocioż tak naprowdy materiały dotyczyły całkiym innego wydarzynio, czy chociożby strategia kóncernu Axel Springer, który w Niymcach gro na nastrojach antypolskich, a w Polsce na antyniymieckich). Media niy ino pokazujóm rzeczywistość tako jes, ale tytż jóm kreujóm, tak jak im czynsto wygodnie - i tyn Bónd miyndzy innymi o tym opowiado. A dodatkowo mómy pościgi, szczylaniny, a nawet trocha karate, bo tym razym dziołchóm Bónda jes agyntka Azjatka... Przijymne kino!